Monday 17 October 2016

தமிழ் பழகலாம் வாங்க - 5



எனது மகன், என்னுடைய மனைவி ... என்று எழுதுவது தவறு. “இல்” என்பது இட வேற்றுமை உருபு என்று நேற்று சொன்னேன் அல்லவா, அதுபோல, மேலே சொன்ன தொடர்களில் எனது என்பதில் உள்ள ”அது”, என்னுடைய என்பதில் உள்ள “உடைய” ஆகிய இரண்டும் உடைமைப் பொருளுக்கான வேற்றுமை உருபுகள்.
மகன், மனைவி நமது உடைமை இல்லை. நம் உறவு, உரிமை. எனவே உடைமைப் பொருள் வேற்றுமை உருபை உறவுகளுக்கு சேர்த்து எழுதக்கூடாது. என்னுடைய வீடு, அவனுடைய மாடு என்று எழுதலாம். ஆனால், எனது மகன் என்றோ அவனுடைய மனைவி என்றோ எழுதுவது தவறு. என் மகன் அல்லது எனக்கு மகன் என்றும், அவன் மனைவி அல்லது அவனுக்கு மனைவி என்றுதான் எழுத வேண்டும்.
மனித உறவுகளுக்கு மதிப்புக் கொடுக்கும் மொழி நம் தமிழ் மொழி.

No comments:

Post a Comment

தமிழ்த் தேன் சுவைத்தமைக்கு நன்றி..._/\_